DIARYhea ni Shobe

Friday, October 14, 2011

Ang Ipis at Ang Brgy Tanod na Daga

Mich October 14, 2011 0 Comments

December 28, 2006

3:58pm

Sinasabi ko sa mga kaibigan ko na bestfriends ko ang mga ipis, pero expression ko lang yun noh! Dahil pag sinabi mong takot ka sa ipis, hahagisan ka nila nito at tatakutin hanggang lumuha ka ng dugo.

Gabi. Nanood ako ng tv mag-isa, napansin kong may ipis na nakapatong sa isa pang nakahilatang ipis. Akala ko naghahalikan pero habang tumatagal parang iba yung ginagawa ng nakapatong na ipis. Grabe kadiri! Kinakain niya pala yung kapwa niya ipis! At yung parteng ulo lang ang gusto niya. Tapos nung wala nang ulo yung biktimang ipis at hirap at mabagal na naglalakad palayo yung cannibal na ipis, syempre naki-eksena na yung bida at ako yun! Di nako nagpatumpik-tumpik pa, pinalo ko agad siya ng barkong tsinelas at sabay sabing, "Nagkasala ka sa batas ng ipis. Buhay ang kinuha mo kaya’t buhay din ang kabayaran." Ang taray diba? Bad trip nga lang dun ay yung pagkakalat ng lamang tiyan ng cannibal na ipis. Eooowwwww……..

Sino si Shobe?

Mich October 07, 2011 0 Comments

Aking Kapanganakan

Ako po pala si Michelle Taymun Barquillo. Shobe ang palayaw ko, salitang intsik na ibigsabihin ay nakababatang kapatid na babae. Anak ako ng nanay at tatay ko at may isang ate. Ang mama ko ay taga-Mountain Province at Capiz naman ang probinsya ng papa ko. Hindi ko alam kung importante pang sabihin yun eh di ko rin naman alam kung pano sila nagkakilala eh! Ireresearch ko pa lang.

Ipinanganak ako sa Hospital ng Maynila. Normal delivery. At ang tsismis saken, isa raw akong malusog na baby. Isa sa mga may pinakamabigat na timbang na ipinanganak sa araw na yun pero kung titingnan mo ako ngaun, parang di naman nangyari yun!

Pilipino ka ba?!

Mich August 30, 2011 0 Comments

http://showbuzinessetc.blogspot.com/2011/08/james-soriano-and-his-controversial.html

Masaya akong nanunuod ng video ng Concert ni Vice Ganda sa Youtube ng biglang nagsend ang aking katrabaho ng link na dapat ko raw basahin. Hindi ko nais maudlot ang kaaliwan ko ngunit dahil naintriga ako sa pinadala niyang link, pinatulan ko ito. Tungkol daw kay "James Soriano". At sino un? Basketbolista? Bagong Artista? Nanalo ng Award Abroad? Pasensiya.. Hindi ako nanunuod o nagbabasa ng balita.

At yun na nga nabasa ko ang write up. Napalitan ng inis at umay ang kaninang saya na nararamdaman ko. Naguunahan at nagsisiksikan ang mga ideya sa utak ko na parang mga taong nagmamadaling makalabas sa masikip na tren sa MRT pagrush hour. Ito ay upang ibahagi ang aking saloobin ukol sa isyung ito.

Sa unang bahagi ng kanyang sanaysay ay inihayag niya (Si James ang tinutukoy ko) kung paano niya nakilala ang lenguwaheng minahal at sinamba niya. Inakala niyang ang Filipino language ay ginagamit lamang upang kausapin ang mga tindera, katulong at sina manong, manang sa kalsada. Inisip ko, maaaring dahil sa musmos pa ang kanyang pag-iisip nung naisip nya yun. Dumating sya sa buhay kolehiyo kung saan lalo niyang nakilala ang kwento ng ating sariling wika. Inalam niya lang... hindi minahal.