Ayon sa kapita-pitagan kong tropang si Wiki, ang New Year’s Reso daw “is a commitment that a person makes to one or more lasting personal goals, projects, or the reforming of a habit. This goal must be reached by the next New Year. Keep in mind that this is a goal, not a wish and should be something that you as a person could strive for.” Simpleng pakahulugan ngunit malalalim ang pinaghuhugutan.

                Hindi ito isang buwang panata o masabi lang na may new year’s resolution ka para makiuso. Hindi ito wish kaya huwag nang mag-isip ng imposibleng bagay na alam mong hindi mo magagawa. Dapat daw madaling abutin o gawin tulad ng pagpapapayat. Pangarap este goal ng mga may kalakihan ang pangangatawan (o chubby para cute). Andyan din ang mga paboritong New Year’s reso na “Hindi na iinom (o kung anung bisyo), malalate at magpapakabuti na.”  mga gasgas na linyang bumebenta pa rin.

                Naisipan ko rin dating i-take ang hamon ng tradisyong ito ngunit isa rin ako sa karamihang nabigo tulad ng mga hindi pinangalanang tauhan na kumukuha ng hunter exam sa anime na hunter x hunter. Magkagayunman, susubukan ko pa rin baka this time maka-tsamba dahil isusulat ko na sa papel at hindi sa hangin ang mga layunin na gusto kong matupad sa taong ito para ichecheck ko na lang yung mga matutupad. At least hindi na masama kung may iilang check kesa naman bokya. Makabubuti rin ito sa atin life journey upang hindi mo maisip na nasayang ang taon dahil parang walang pinatunguhan ang buhay mo.

Heto ang iilan sa mga gusto kong gawin o matupad sa taong ito.